सशुश्रीके

जॉब हवाय... जॉब माझा पहिला प्रश्न देवाला, मला जॉब मिळेल का!? अतिशय बेसिक प्रश्न, बेसिक वाटत असला तरी खुप मोठा असतो हां प्रश्न जेव्हा तुम्हाला 'एक्स्पीरीयंस' नावाचा शिक्का नसतो! माझा मित्र नीलम आणि मी 'जॉब मिळेल का रे आपल्याला!?' असा प्रश्न विचारत असायचो एकमेकांना, पुण्याच्या गल्ली बोळातल्या एड-एजेंसीजना इंटरव्यू द्या वगैरे चालू होतं, अगदी कॉलेजच्या ३ऱ्या वर्षा पासूनच, कारण जॉब सांभाळुन कॉलेज करायचे काही थोर मित्र, त्यांचा आदर्श होता डोळ्या समोर! पुण्यात मुद्रा प्रिंटिंग प्रेस मध्ये २वर्ष पार्ट टाइम, त्यानंतर कॉलेज संपल्या संपल्या सकाळ प्रेस मध्ये काम केलेले, पण एडवरटाइजिंग इंडस्ट्री चा अनुभव झीरो! त्यात पुण्यात एडवरटाइजिंग म्हणजे दुधात पाणी, मुंबईच आपली भूक भागवु शकते, त्यामुळे मुंबईत काम करण्याची स्वप्न पहात होतो, त्यात मी लहानपण मुंबईतल्या बोरिवलीतच अनुभवलं. पुण्यात ६वी ते डिप्लोमा पर्यन्त होतो, परत मुंबईत आलो, नोकरीसाठी, आता कसं ते सांगतो. कॉलिग्राफीचे 'अमिताभ' श्री.अच्युत पालव. ह्यांना माझं काम आवडायचं, त्यांच्यासाठी काम पण केलेलं मी एक दोनदा,  ...