आय जस्ट हेट धिस ड्याम फ्रायडे...

॥ श्री ॥

 ३० ऑक्टोबर २०१४ दुपारचे २.३३

 आय जस्ट हेट धिस ड्याम फ्रायडे...

 कारण मला घरी जायची घाई… 
मुंबईत कामाला होतो पण पुण्यात वीकेंड!
सकाळी सकाळी आल्यावरच बॉस्स ला म्हणालो... 
काम दे रे... लवकर 
साधारण १२वाजता वगैरे ब्रीफिंग झालं, लोगो करायचा होता... 
कुठला तरी खोब्र्याच्या तेलाच्या ब्रांडचा लोगो करायचा होता... 
मी आणि माझा सहकारी काम करत होतो...
४-५ ऑप्शन्स झाल्यावर मी बॉस्सला दाखावय्चो, 
त्याचं काही समाधान होत नव्हतं. 
संध्याकाळ झाली... 
अजुन काम चालूच, 
मुद्दाम करतोय की काय असं बडबड करत मी चालू ठेवलं काम... 
शेवटी त्याला एक लोगो आवडला
मी निश्वास सोडला... 
पण म्हणाला की 'ह्या लोगो मध्ये ही दांडी ज़रा जास्त वाटत्ये... 
ती काढून बघ', मी लगेच म्हणालो.. 
अरे हो थांब... असं म्हणत मी कण्ट्रोल झेडचं बटण दाबलं! 
आणि जे नको व्हायला ते झालं....

 बैक टु फ़्लैशबैक...

 ७-८ लोगोज ना पसंत पडल्यावर माझी सटकली, 
मी विचार केला वेळेत निघायचं असेल अणि प्रमाणिक प्रयत्न असफल ठरणार असतील… 
तर गेला उड़त प्रामाणिक पणा.. 
मी थेट लोगो उचलला एका लोगो विकणाऱ्या वेबसाईट वरून...
तो कोरेल-ड्रा मध्ये इम्पोर्ट करून जशाचा तसा पण एक एक्स्ट्रा मॉडिफिकेशन करून ठेवला.. 
ते एक्स्ट्रा मॉडिफिकेशन नेमकं बॉस्स ला खटकलं..
'ह्या लोगो मध्ये ही दांडी ज़रा जास्त वाटत्ये...
ती काढून बघ' अणि तो कण्ट्रोल झेड महागात पडला! 
खरा लोगो दिसला त्याला १०-१२ स्टेप्स मागे गेल्यामुळं! 

 तात्पर्य… 
दर शुक्रवारी जसा व्हायचा तसा ह्या शुक्रवारीही मी घाई केली नसती किव्वा  
 केली असती, जी मी केली... उशीर तर होणारच होता... 

 अहो कधी कधी तर मी पेपर वाल्याबरोबर पुण्याच्या घरी पोहोचलेलं आठवतंय!
ड्याम फ्रायडे… 
म्हणून आय जस्ट हेट धिस ड्याम फ्रायडे

 #साशुश्रीके

Comments

  1. Unknown1 November 2014 at 02:31

    अगदीच सुरेख लिहितोस रे मित्रा..
    तसं बघायला गेलं तर मी तुला पर्सनली ओळ्खत नाही..
    पण तुझ्या 'रूटीन' लिखाणाचा मी फेन झालोय..
    अगदी तुझ्या दुबयित्ल्या घरातील फैन सारखा..
    पुलेशु..
    माझं फेसबुक वर एक मराठी पेज आहे..
    चंपक मराठी म्हणून..सहजच काढलं होतं.. पण आता जवळ जवळ लाखभर लाइक्स आहेत बघ..

    ReplyDelete

Post a Comment

Popular posts from this blog

फडणीस सर...

Image
फडणीस सर... मॉडर्न हास्कूल जंगली महाराज रोड... इयत्ता ५वी... विषय चित्रकला... उंच, मानेतल्या शीरा दिसायच्या बोलताना, कपाळावर मस्त २इंची भगवा गंध, फुल बाह्यांचा पण दंडा पर्यंत दुमडलेला शर्ट, जराशी अखुड प्यांट, भयंकर तापट, पण हसले की जाम गोड दिसायचे... आणि हो... लुना वर यायचे, सर्व शिक्षकांमधे एकदम उंच... फिट... एकदम हटके! आमच्या सांगवीच्या खाडे महाराज बाबांचं पोर्ट्रेट केलेलं, अजुन ही मठात आहे! काय सुन्दर केलय... ओइल पेंटिंग... अगदी हुबेहूब! मुंबईतुन पुण्यात आलेलो, ५वीत असेन, चित्रकला उत्तम तयाामुळे मी लाडका, त्यांचा वर्ग भरला की माझ्याकडे आवर्जुन येणार, काय दीवे लावतोय... आणि प्रकाश पडलेला दीसला... की त्यांच्या मिशीतून दिसणारे ते स्मित हास्य यशेची पावती देऊन जायचे! जिंकलो आज... असा काहीसा चेहरा व्हायचा माझा! एक आगाऊ पणा केला होता तेव्हा पालकांना घेउन ये उद्या असं आमच्या हेड मास्तरांनी सांगितलं, तेव्हा वडलांना बाजुला घेउन हलक्या आवाजात काहीतरी सांगितलं आणि बाबा हसले, तो क्षण अजुन ही आहे तसा आठवतो, माझा गुन्हा होता मी कॉपी बाळगल...
Read more

आजी

Image
आजीला आमटी खुप आवडायची, दात नसतील म्हणुन काय!? पोळी, भात, थालीपीठ काय जे असेल त्यात आमटी, आमटी कमी असेल तर... त्यात पाणी ओतून गरम करून पोळी कुस्करून खायची, मला ही द्यायची! आणि आमटी नसेल तर चहा पोळी! त्यात माझाही वाटा… ते पण तिच्या हातांनी :) तेलकट कपाळ, कपाळाला अगदी चिकटलेले तिचे अर्धे पांढरे काळे केस, चेहर्यावर सुरकुत्या, ओठांवर उभ्या बडीशोप आकाराच्या सुरकुत्या, जवळपास सर्वच दात गेलेले, एक छोटी काळी टिकली, कानातलं घालायची… ५मोती असलेला तो प्रकार मस्त दिसायचा तिला… लुगडं, बहुदा काही नक्षी असलेले आकाशी निळ्या रंगाचं, पांढरा ब्लाउज, भेगा पडलेले थकलेले पाय, तिच्या पायावर हिरव्या शीरा दिसायच्या, कधी कधी तंद्री लागायची त्या बघताना! हातात बघावं तेव्हा कुठलं तरी देवांचं पुस्तक, तोंडात सदैव देवस्मरण… ऐकायला कमी कमी येऊ लागल्यांनी बाबांनी श्रावणयंत्र आणून दिलेले, कधी कधी मुळीच ऐकू यायचं नाही मग सगळ्यांचाच आवाज वाढायचा, मग म्हणायची "अरे हो हो ऐकू आलाय मला!" म्हातारपण हो! काय इलाज नसतो म्हातारपणाला, असो… मोठा चष्मा… वाचायला आणि लांबचं पहायला ही, तीला गुजरातीही उत्तम यायचं, ब...
Read more

कोथरूडचा व्हाइट वॉकर... निपुण धर्माधिकारी.

Image
निपुण एक कोडं होतं आता ते पूर्ण झालं असं म्हणायला हरकत नाही जोक्स अपार्ट... पण ह्या लहान मूर्तीला मी लहान असल्यापासून ओळखतो. (तो आणि मी दोन्ही बद्दल बोललोय, माझं सोडा तो नक्कीच मोठा झालाय 😂 ) परवाच त्याचा टेड एक्स बीएमसीसी टॉक पाहिला, मी जोक्स अपार्ट असं का म्हणालो ते कदाचित तुम्हाला टेडएक्स चा विडिओ पाहिल्यावर कळेल. असो... युट्युबची लिंक जेव्हा पाठवली त्याने तेव्हा नेमका घरी किंवा ऑफिस मध्ये नव्हतो, त्यात ही मूर्ती विडीओत इंग्लिश मध्ये बोलत होती, जवळ हेडफोन नव्हते. काय कशाबद्दल बोललाय, स्टँडअप कॉमेडी वर बोलतोय की तसच काही अशी उत्सुकता होती, कारण हा माणूस जेव्हा पासून वेबविश्वात आलाय तेव्हापासून एक नवीन मराठी विनोदलाट घेऊन आलाय, पण बघतो तर काय... व्हीडिओ वॉज ऑल अबाऊट सिरीयस टॉपिक कॉल्ड 'स्ट्रगल'... अवघड शब्दात सांगायचं झालं तर 'संघर्ष' ... जो आपण रोज कधी ना कधी थोड्या फार प्रमाणात करत असतो, बोललाय ह्यावर जवळपास १५-२०मिनिटं . चला तर माझ्या काही आठवणी ह्या 'कोड्या'बद्दल... आम्ही मुंबईतून पुण्यात आलो ९२-९३साली रहायला मॉडेल कॉलोनी मध...
Read more